රාගය තිබෙන තැනක ආදරය තියෙන්න පුලුවන්ද?බැහැ...රාගය තිබෙන තැනක ආදරය තියෙන්න බෑ.හැබැයි ආදරය තිබෙන තැනක රාගය තියෙන්න ඕන.මොකද ගැහැනියක් හා පිරිමියෙක් අතර හට ගන්නා ආදර සම්බන්ධයේ අවසාන ඵලය වන්නේ ලිංගික සුවය.ඕක තමයි යතාර්ථය.
අතීතයේ රජවරුන්ට විශාල අන්තප්පුර තිබුනා.හැබැයි වැරදිලාවත් බිසව හීනෙන් හරි වෙනත් පිරිමියෙක් සමග බැදුනොත් ඇයට සහ ඇගේ අනියම් පුරුශයාට හිමි වන්නේ මරණය.ඒ කියන්නේ කාන්තාවන් පුරුශාධිපත්‍යට යට වෙලා.ඔව් එදා කාන්තාව සහ අද කාන්තාව අතර වැඩි වෙනසක් නෑ.මේ දෙගොල්ලො වෙනස් වෙන්නේ කාලය නිසා පමනයි.
මේ යතාර්ථය තමයි මොහාන් රාජ් මඩවල "ලොවීනා" තුළින් කතා කරන්නේ.
නිල බලය,ධන බලය,මුදල් බලය පදනම් කරගෙන තමන් කැමති ඕනම කාන්තාවක් එක්ක යහන් ගත වෙන්න පුලුවන්.ඒක එකල සහ මෙකල බලවතුන්ටත් පොදු රීතියක්.එහිදී ඒ කාන්තාවගේ ධනය,බලය,කුලය,ජාතිය අදාළ වෙන්නේ නෑ.ඒ සියල්ල වලංගු වෙන්නේ මතුපිට සාමාජය තුළ පමනයි.මොහාන් මේ සියලු කාරණා කාන්තාවන් තිදෙනෙක් මුල් කරගනිමින් හරි අපූරුවට පවසනවා.මෙහිදී කතුවරයා යතාර්ථවාදී රීතිය මෙන්ම මායා යතාර්ථවාදී රීතියද මෙහිදී යොදා ගෙන තියෙනවා.කොහොම උනත් ඒ හැමදේම ඇතුලේ කතුවරයා කියන්න උත්සාහ කරන්නේ විශාල සමාජ ප්‍රශ්නයක් .යොදා ගෙන තියෙන චරිත සහ සිද්දි නිසා මේ කතාව එක හුස්මට කියවගෙන යන්න පුලුවන් .එච්චරට ආකර්ෂණීයයි.ඒ නිසා මොහාන් රාජ් මඩවලගේ "ලොවීනා " අරන් කියවන්න .අපූරු අත්දැකීමක් ලබන්න පුලුවන්.
